UN MODELO XUSTO E SOLIDARIO

7 de cada 10 escolares galegos terán axudas para libros

Galicia xa é a Comunidade Autónoma que máis axuda achega por alumno: 180 euros (145€ en Andalucía, 133€ en Navarra ou 127€ en Valencia)

 

AXUDAR MÁIS A QUEN MENOS TEN

Co novo sistema de 'Gratuidade Solidaria', cun investimento global de 7 millóns de euros, a Xunta concentra o seu esforzo económico nos que máis o necesitan: familias con rendas baixas e medias, familias monoparentais (separados/as, viuvos/as, divorciados/as...), familias con algunha discapacidade, familias numerosas, etc.

A quen vai dirixido? VER +
Aos pais con fillos/as que comenzan 1º, 2º, 5º e 6º de Primaria e Educación Especial.
Como se consegue a bolsa de axuda? VER +
Presentando a documentación completa e o formulario no seu centro escolar desde o 1 ao 30 de setembro.
Que documentación teño que presentar? VER +
Do 1 ao 30 de setembro, unha fotocopia dos DNI dos pais, unha fotocopia do libro de familia, o volante/certificado de empadroamento (só será necesario cando sexa preciso acreditar algunha circunstancia non recollida no Libro de Familia), unha certificación bancaria dun número de conta corrente e o formulario cumprimentado. O formulario poderáse recoller no centro escolar, nas sedes da Xunta ou baixar aquí:
Cando e como me ingresan o importe da axuda? VER +
En só 15-20 días, desde a data da solicitude, por transferencia bancaria.
Cales son os importes das bolsas de axuda? VER +
  • 180 € por fillo para as familias con rendas anuais inferiores a 5.400 euros per cápita (5.400 euros por cada un dos membros da unidade familiar).
  • 104 € por fillo para as familias con rendas anuais inferiores a 9.000 euros per cápita (é dicir, 9.000 euros por cada un dos membros da familia).
  • 250 € para cada neno de Educación Especial, independentemente da renda anual familiar.

Calcula a túa axuda utilizando o noso simulador.

Cal é o importe da miña axuda? Exemplos VER +

Só hai que dividir os ingresos totais do fogar entre o número de membros, é dicir, sumando os importes dos recadros 455 e 465 das declaracións da Renda do ano 2008 e dividindo esta cifra entre o número de membros da familia. Aqueles que non presentaron declaración da Renda deben solicitar o certificado correspondente na Axencia Tributaria.

cuadro

Uns exemplos:

  • Exemplo 1: Unha familia composta por pai, nai e dous fillos (é dicir, 4 membros), terá dereito a 180 euros por fillo se os seus ingresos non superan os 21.600 euros (5.400 x 4 = 21.600). Se están entre 21.600 e 36.000 euros, recibirán 104 euros por cada fillo (9.000 x 4 = 36.000).
  • Exemplo 2: Familia numerosa. Unha familia de 5 membros (pai, nai e 3 fillos), recibirá 180 euros por cada fillo se os seus ingresos están por debaixo dos 27.000 euros. Se os ingresos están entre 27.000 e 45.000 euros, recibirán 104 euros por cada fillo.
    Casos especiais:
    Familias monoparentais: Neste caso, a marxe para recibir a axuda de 180 euros aumenta ata os 6.000 euros de renda per cápita.
  • Exemplo 3: Unha familia monoparental de 2 membros (nai/pai + 1 fillo) recibirá a axuda de 180 euros se os ingresos están por debaixo dos 12.000 euros. Se está entre 12.000 e 18.000 euros, a axuda será de 104 euros. Minusvalías: Os membros da familia con minusvalías igual ou superior ao 33% computan por dúas á hora de establecer o nivel de renda familiar.
  • Exemplo 4: Alumnos que reciban Educación Especial : Recibirán 250€ sexa cal sexa o número de membros da familia e os ingresos da unidade familiar.
  • Exemplo 5: Familia con algún membro con discapacidade superior ao 33% : Familia de 4 membros (pai con dicapacidade + nai + 2 fillos) cuns ingresos ingresos que non superan os 27.000 euros, recibirán 180€ por cada fillo .

Calcula a túa axuda utilizando o noso simulador.

Por que é mellor este sistema? VER +
  • Os nenos poden empregar o libro como unha verdadeira ferramenta de traballo para subliñar, anotar e telo na casa para sempre.
  • Todos os estudios científicos aseguran que a propiedade do libro aumenta o rendemento académico.
  • E o modelo de axudas á compra de libros de texto máis estendido en España (Asturias, Cantabria, Cataluña, Madrid, Murcia e Valencia) e en Europa.
Folleto e campaña publicitaria VER +
Carta aos pais VER +
Descarga
Formulario de solicitude das axudas Á compra dos libros de texto VER +
Outras preguntas frecuentes VER +
¿Hai que presentar a declaración da renda?
Non, basta con asinar unha declaración xurada que aparece no impreso de solicitude. A Consellería de Educación, en colaboración coa Consellería de Facenda, comprobará a veracidade dos datos. Faise deste xeito para axilizar o pago das axudas.

Naqueles casos nos que os datos declarados sexan falsos, reclamarase o importe da axuda. Ademaís, este solicitantes poderán ser obxecto de sancións segundo establece o título IV da Lei 9/2007, do 13 de xuño, de subvencións de Galicia.

¿Hai que presentar a factura de ter comprado os libros?
Non. A factura de compra non hai que presentala para obter a axuda. Hai que cumprir os requisitos en relación aos ingresos e estar matriculado no curso que corresponde a esta convocatoria
¿Qué alumnos poden levar bolsa e cales non?
A bolsa é para alumnos de 1º, 2º, 5º ou 6º de primaria con determinado nivel de renda, e para todos os alumnos de Educación Especial independentemente dos seus ingresos.

Este ano non están incluídos nas axudas os alumnos de 3º e 4º de primaria, nin os que cursen a ESO, pois terán os libros no seu centro, en réxime de préstamo, tal como viña sucedendo en anos anteriores.

¿Cales son os alumnos de Educación Especial aos que se refire a convocatoria?
Son aqueles alumnos matriculados en centros de Educación Especial (CEE) ou en aulas específicas de Educación Especial en centros ordinarios.

Non se refire a alumnos matriculados en primaria aínda que teñan adaptación curricular ou algún tipo de reforzo educativo.

¿Quen son membros da unidade familiar?
  • Os pais non separados legalmente e, no seu caso, o titor ou persoa encargada da garda e protección do menor.
  • Os fillos menores de idade, con excepción dos emancipados.
  • Os fillos maiores de idade con discapacidade física, psíquica ou sensorial ou incapacitados xudicialmente, suxeitos á patria potestade prorrogada ou rehabilitada.
  • Os fillos solteiros menores de vintecinco anos e que convivan no domicilio familiar a 31 de decembro do ano inmediato anterior a aquel no que comeza o curso escolar para o que se solicita.

Cando non exista vínculo matrimonial a unidade familiar  entenderase constituída polo pai, a nai e tódolos fillos dos pais que convivan con eles  e que reúnan os requisitos do apartado anterior. No caso de que non exista convivencia deberá acreditarse mediante o correspondente certificado de empadroamento.

No caso de separación ou divorcio, non se considerará membro da unidade familiar aquel que non conviva co solicitante da bolsa de axuda. En cambio, si terá a consideración de membro computable o novo cónxuxe ou persoa unida ao pai/nai e que si conviva co solicitante. A separación ou divorcio  acreditarase mediante sentencia xudicial que determine a mesma, ou convenio regulador onde conste a custodia do menor.

Computarán por dous os membros da unidade familiar en primeiro grao do alumno solicitante, incluído o propio alumno e os seus irmáns, cunha discapacidade igual ou superior ao 33%. Isto quere dicir que nunha familia de catro membros na que un deles é discapacitado, contariamos cinco membros en vez de catro.

Se na casa hai persoas maiores (avós), ¿teranse en conta os ingresos da pensión para o cálculo?
Non. As persoas que se deben ter en conta para estes cálculos como membros da unidade familiar son os pais e os fillos, aínda que na casa tamén convivan os avós. Polo tanto os avós non contabilizarán como membro da familia nin serán tidos en conta os seus ingresos.
¿Hai algún teléfono de información?
Ademais da información dispoñible no portal educativo, tamén podes chamar ao teléfono 981-546521

 
Xunta de Galicia Xacobeo 2010 Galicia